Snókur verktakar ehf. kolefnisjafna eldsneytisnotkun sína

Vaxandi áhugi er fyrir kolefnisjöfnun meðal fyrirtækja og nýverið var undirritaður samningur um kolefnisjöfnun Snóks verktaka, sem m.a. þjónustar fyrirtæki á Grundartanga. Samningurinn kveður á um kolefnisjöfnun vegna bruna bíla og vinnuvéla Snóks á jarðefnaeldsneyti. Frumkvæði Snóks og áður Silicor er mikil hvatning fyrir önnur fyrirtæki á Grundartanga að draga úr losun og kolefnisjafna óhjákvæmilega losun á kolefni í samstarfi við Kolvið en einnig er aukinn áhugi fyrir skógrækt í Hvalfjarðarsveit. Snókur gerir ráð fyrir að þurfa að fela Kolviði að standa fyrir gróðursetningu á 5.315 trjám á þessu ári, sem klæða munu um tvo hektara lands skógi.

SONY DSC

Við undirritun samnings Kolviðar og Snóks verktaka ehf. Reynir Kristinsson, stjórnarformaðu Kolviðar og Kristmundur Einarsson, eigandi og framkvæmdastjóri Snóks, takast í hendur í Lyngholti. Tindurinn Snókur í baksýn er vottur og verndari samstarfsins.