Kolefnisjöfnuðum fyrirtækjum fjölgar

Nýverið bættust nokkur fyrirtæki í hóp þeirra sem kolefnisjafna hluta starfsemi sinnar í gegnum Kolvið og eru það fyrirtækin Bergs, sem flytur út ferskan fisk, Efla verkfræðistofa, Landsnet, Neyðarlínan, Nordic Green travel og Vodafone. Greinilegt er að vaxandi skilningur er á nauðsyn þess að taka ábyrgð á eigin losun gróðurhúsalofttegunda með mótvægisaðgerðum. Að beina sjónum að kolefnisbókhaldi leiðir einnig til aðgerða til að draga úr losun, t.d. með því að kaupa vistvænni bíla,  og hvetja starfsfólk til vistvænni ferðamáta. Þá hafa Valitor og Vodafone boðið starfsmönnum að kolefnisjafna einkabifreiðar með sérstökum samningi þar um. Fleiri fyrirtæki eru í samningaferli og því er ekki laust við að farið sé að lifna yfir Kolviði kappa. Á eftir löngum vetri kemur vor.

Valitor og Kolviður ganga til samstarfs

Kolviður og Valitor gerðu nýverið samning um kolefnisjöfnun vegna flugferða og bílanotkunar á vegum Valitor. Jafnframt kveður samningurinn á um frekari þróun samstarfs þar sem fleiri þættir í starfseminni verði kolefnisjafnaðir í framtíðinni. Einnig eru í samningnum tímamótaákvæði um að starfsmenn Valitor eru af fyrirtækinu hvattir til að skilja bílinn eftir heima en kolefnisjafna akstur til og frá vinnu ella. Nánar er sagt frá samstarfi Valitor um kolefnisjöfnun við starfsmenn og Kolvið hér.

Snókur verktakar ehf. kolefnisjafna eldsneytisnotkun sína

Vaxandi áhugi er fyrir kolefnisjöfnun meðal fyrirtækja og nýverið var undirritaður samningur um kolefnisjöfnun Snóks verktaka, sem m.a. þjónustar fyrirtæki á Grundartanga. Samningurinn kveður á um kolefnisjöfnun vegna bruna bíla og vinnuvéla Snóks á jarðefnaeldsneyti. Frumkvæði Snóks er mikil hvatning fyrir önnur fyrirtæki á Grundartanga að draga úr losun og kolefnisjafna óhjákvæmilega losun á kolefni í samstarfi við Kolvið en einnig er aukinn áhugi fyrir skógrækt í Hvalfjarðarsveit. Snókur gerir ráð fyrir að þurfa að fela Kolviði að standa fyrir gróðursetningu á 5.315 trjám á þessu ári, sem klæða munu um tvo hektara lands skógi. Silicor, sem hyggst byggja kísilflöguverksmiðju á Grundartanga, skrifaði nýverið undir samning við Kolvið um kolefnisjöfnun verksmiðjunnar og þá er Kolviður í viðræðum við fleiri fyrirtæki á Grundartanga. Kolviður skoðar nú möguleika á að stofna til Kolviðarskóga í Hvalfjarðarsveit.

Vel heppnuð ráðstefna Festu

Festa, félag fyrirtækja með samfélagsábyrgð, ásamt Reykjavíkurborg héldu í morgun ráðstefnu um leiðir til að draga úr kolefnislosun og hvernig binda má þá losun sem óhjákvæmilega á sér stað vegna reksturs fyrirtækja og samfélagsins.

Erindi fluttu Hlynur Óskarsson, deildarstjóri umhverfisdeildar Landbúnaðarháskóla Íslands, sem fjallaði um endurheimt votlendis, Þórunn Pétursdóttir, sérfræðingur á þróunarsviði Landgræðslu ríkisins, fjallaði um landgræðslu og Bjarni Diðrik Sigurðsson, prófessor við Landbúnaðarháskóla Íslands, fjallaði um kolefnisjöfnun með skógrækt. Reynir Kristinsson, stjórnarformaður Kolviðar, fjallaði um hvernig Kolviður býður viðskiptavinum sínum úr atvinnulífinu að kolefnisjafna starfsemi sína með öruggum, gagnsæjum og rekjanlegum hætti.

Erindi Reynis má nálgast hér.   

Erindi Bjarna Diðriks má nálgast hér.

Tímamótasamningur um kolefnisjöfnun á verksmiðju Silicor á Grundartanga

Nýverið var gengið frá samningi milli Kolviðar og Silicor um kolefnisjöfnun á starfsemi fyrirhugaðrar verksmiðju Silicor á Grundartanga í Hvalfirði. Samningurinn tekur til kolefnislosunar sem á sér stað innan starfssvæðis verksmiðjunnar og gildir fyrir árið 2018 en það ár er fyrirhugað að verksmiðjan hefji starfsemi. Verksmiðjan mun framleiða sólarkísil fyrir sólarhlöð (sólarsellur) og þannig stuðla að orkuöflun, m.a. í þriðja heiminum, sem hefur minni umhverfisröskun í för með sér en margir aðrir kostir. Á vefsíðu Silicor segir:

„Sólarkísilver Silicor mun byggja á nýju framleiðsluferli sem fyrirtækið hefur einkaleyfi á. Ferlið hefur verið í þróun frá árinu 2006. 

Silicorferlið er öruggara, umhverfisvænna, ódýrara og með aðeins þriðjungs orkuþörf miðað við hefðbundnar aðferðir.

Silicorferlið felst í því að bræða kísil saman við ál sem grípur óhreinindi úr kísilnum og eftir situr 99,9999% hreinn sólarkísill. Að auki verða til tvær aukaafurðir: Álblöndur sem notaðar eru til að létta farartæki og álklórið sem er notað við vatnshreinsun. Þannig fullnýtir Silicor hráefnin án þess að úrgangur eða spilliefni falli til við framleiðsluna.“

Losun á koldíoxíð, CO2, á sér einkum stað vegna tækjanotkunar innan svæðis en einungis er gert ráð fyrir að 48 tonn af CO2 losni í sjálfu framleiðsluferlinu á árs grundvelli. Samningurinn er sá stærsti sem Kolviður hefur gert við fyrirtæki hingað til og hefur þegar hreyft við öðrum fyrirtækjum og stofnunum. Talsverður áhugi er fyrir því á Grundartangasvæðinu að Kolviður fái land undir Kolviðarskóga í grenndinni og er það í athugun. Þangað til er gert ráð fyrir að nýtt land Kolviðar á Úlfljótsvatni njóti skógræktar til kolefnisjöfnunar.

„Ábyrgð fyrirtækja í loftslagsmálum“. Erindi stjórnarformanns Kolviðar.

Landsvirkjun stóð fyrir vel heppnaðri ráðstefnu í Gamla bíói þann 4. mars s.l.  Yfirskrift ráðstefnunnar var mjög í anda Kolviðar, „Ábyrgð fyrirtækja í loftslagsmálum“ og voru flutt fjölmörg fróðleg erindi. Þar á meðal var erindi Reynis Kristinssonar stjórnarformanns Kolviðar sem hægt er að nálgast hér.

Kolviður vill koma á framfæri sérstökum þökkum til Landsvirkjunar og samstarfsaðila sem að þessu sinni komu frá Landbúnaðarháskóla Íslands, Rannsóknarstöð Skógræktar ríkisins, Landgræðslu ríkisins, Skógræktarfélagi Íslands, Samtökum iðnaðarins auk Kolviðar. Fleiri slíkir fundir eru boðaðir á árinu en Landsvirkjun fagnar nú 50 ára starfsafmæli.

Upptöku frá ráðstefnunni má skoða hér

Tímamótasamningur undirritaður milli Icelandair Cargo og Kolviðar

Icelandair CargoÁ ársfundi Kolviðar, sem haldinn var í Hannesarholti 16. október, var undirritaður samstarfssamningur Kolviðar við Icelandair Cargo. Samningurinn gengur út á að Icelandair Cargo býður viðskiptavinum sýnum að kolefnisjafna þá losun sem hlýst af fraktflugi með viðkomandi vöru. Eftir nákvæma útreikninga á losun á CO2 vegna  flutninga á varningi á öllum áætlunarleiðum Flugleiða auk fraktflugs með Icelandair Cargo varð til gjaldskrá fyrir kolefnisjafnaða flugfrakt. Icelandair Cargo mun sjá um kynningu og samninga við viðskiptavini og innheimta gjöld samkvæmt áðurnefndri gjaldskrá og standa skil á þeim til Kolviðar með uppgjöri tvisvar á ári. Aðilar þessa samnings hafa unnið að þessu í nokkurn tíma og hafa fundið fyrir vaxandi áhuga og þrýstingi frá viðskiptavinum um að bjóða upp á kolefnisjafnað fraktflug.

Reynir Kristinsson, stjórnarformaður Kolviðar og Mikael Tal Grétarsson, stjórnandi útflutningssviðs Icelandair Cargo, við undirritun í Hljóðbergi, Hannesarholti.

Ísafold/Ísak ehf. og Kolviður endurnýja samstarfssamning

SONY DSC

Á ársfundi Kolviðar, sem haldinn var í Hannesarholti þann 16. október, endurnýjuðu Ísafold/Ísak ehf. og Kolviður samstarfssamning um kolefnisjöfnun á bílum fyrirtækjanna. Ísafold/Ísak ehf. eru meðal tryggustu viðskiptavina Kolviðar og hafa verið með frá upphafi.

Reynir Kristinsson, stjórnarformaður Kolviðar og Svavar Sigurðarson, fulltrúi Ísafoldar og Ísak,  við undirritun samnings um kolefnisjöfnun  í Hljóðbergi, Hannesarholti.

 

Landsbankinn kolefnisjafnar akstur og flugferðir vegna ársins 2012

LandsbankinnUndirskriftV2012

Þann 14. júní s.l. undirrituðu fulltrúar Landsbankans og Kolviðar samning um kolefnisjöfnun vegna akstur starfsmanna á vegum bankans og millilandaflug starfsmanna í erindum á hans vegum á síðasta ári.

Magnús Gunnarsson stjórnarformaður Skógræktarfélags Íslands og varaformaður Kolviðar,

Reynir Kristinsson stjórnarformaður Kolviðar og Jensína Böðvarsdóttir þróunar- og mannauðsstjóri Landsbankans við undirritun samnings þ. 14. júní s.l.

Reiknuð losun vegna akstur var um 117 tonn af CO2 á árinu 2012 en á sama tímabili var losunin um 120 tonn CO2 vegna flugferða innanlands sem utan. Samtals gerir þetta 237 tonn af CO2 og mun Kolviður standa fyrir gróðursetningu á 2225 trjám og áframhaldandi ræktun þeirra.

Landsvirkjun kolefnisjafnar sig

Reynir og Hordur

Reynir Kristinsson stjórnarformaður Kolviðar og Hörður Arnarson,forstjóri Landsvirkjunar skrifa undir samning um kolefnisbindingu.

Þann 3. maí sl. gerði Landsvirkjun samning við Kolvið um kolefnisjöfnun á losun vegna eldsneytisnotkunar á tæki og bifreiðar, flugferðir starfsmanna og losun vegna förgunar á úrgangi.

Kolefnisjöfnunin gildir frá og með 1. janúar 2013 og ef honum er ekki sagt upp heldur hann gildi sínu til ársloka 2014. Umfang kolefnisjöfnunarinnar er um 978 tonn CO2 miðað við árið 2012 sem jafnast með plöntun á um 9.000 trjám hvort ár.